كتاب حكايات من القلب

مقدمة كتاب ‵حكايات من القلب‵ في حاجات بنحسها بس مش دايمًا بنعرف نقولها، ومش كل حاجة القلب بيهمس بيها بتوصل للي قدامنا. ساعات بنلاقي نفسنا قاعدين مع الليل، بنحكي له اللي مستخبي جوانا، واللي مافيش كلام قادر يوصفه. الكتاب ده مش مجرد كلام، دي حكايات من القلب.. حكايات بسيطة، بس مليانة إحساس. ممكن تلاقي فيها جزء منك، أو تفكّرك بحد في حياتك، أو حتى تاخدك لذكرى كنت فاكِر إنها راحت. كل كلمة هنا طالعة من لحظة حقيقية، من حب راح أو لسه جاي، من وجع هدي، من حلم لسه مستني يتحقق. افتح الصفحة، وخلي قلبك يسمع الحكاية، يمكن تلاقي فيها حاجة ليك. : إهداء إلى أمي.. إلى القلب اللي علّمني يعني إيه حب بدون شروط، وإلى الحضن اللي كان دايمًا الملجأ وقت التعب.. إلى أول داعم، وأول حد صدّق فيا قبل ما أنا نفسي أصدق.. مهما كتبت، عمري ما هوفيكِ حقك، بس كل كلمة في الكتاب ده جواها جزء منك، من حنيّتك، ومن قوتك اللي كنتي بتديهالي من غير ما أطلب. لكِ أنتِ، يا أمي، لأن كل حاجة حلوة فيّا بدأت منك.
محمود بكر صبري - السيرة الذاتية – محمود بكر صبريالشاعر اللي بيوجع بكلامه.. ويطيب بكلامه برضوأنا مش بس شاعر، أنا وجع لابس كلمات، وقلب بيكتب عشان يخفف عن غيره قبل ما يخفف عن نفسه.أنا ‵محمود بكر صبري‵، خريج كلية التمريض، وأخصائي نفسي، بس قبل أي حاجة، أنا إنسان بيسمع كويس، وبيعرف يحتوي، ويطبطب بكلمة قبل ما يمد إيده.في طريقي، كتبت علشان أعيش، وكتبت علشان أخلّي اللي حواليّ يلاقوا نفسهم بين السطور.اشتغلت على نفسي كتير، وقررت إن العلم يبقى طريق للرحمة، فدرست علم النفس، وبعمل جلسات ودورات مجانية في العلاج النفسي لكل اللي محتاج، من غير ما أستنى مقابل، لأني مؤمن إن الكلمة الطيبة ممكن تكون حياة لحد فقد الأمل.أعمالي المنشورة:1. حكايات من القلب – خواطر طالعة من وجع حقيقي وحب أنضجته الأيام.2. ما بعد الوجع – رحلة بين كسر القلب والتعافي.3. عشق عبر المجرات – رواية خيال علمي رومانسي، بتحكي عن حب بيتحدى الزمن والمكان.4. حين يهمس القلب – كتاب خواطر بيحضن القارئ من أول صفحة.5. حين يظهر الأمل – كتاب بيدّي النور لللي مش شايف طريقه.6. داخل الذاكرة المفقودة – رواية تشويق نفسي بتغوص في أعماق العقل والهوية.7. ديوان ‵لسه فيا منك حتة‵ – ٤٠ قصيدة باللهجة العامية المصرية، بترتب مراحل الحب والوجع والحنين.8. ديوان ‵أنا اللي فاضل مني وجع‵ – ٦٠ قصيدة عامية، من أعمق ما كتبت، بتوجع وتطيب، بتنكسر وتقوم.الجوائز والتكريمات:تم تكريمي في عدة مسابقات شعرية وأدبية، وحصلت على شهادات تقدير بتشهد على رحلة تعبت فيها، بس عمري ما فقدت شغفي ولا طيبة قلبي.رسالتي:أنا بكتب علشان اللي موجوع، يلاقي في كلامي حتة من نفسه.بكتب علشان اللي وحيد، يحس إنه مش لوحده.وبفيد الناس بعلمي، علشان لو معرفتش أغير الدنيا، أغير بس يوم حد فيها للأحسن.أنا مش بس شاعر..أنا ‵وجع بيتحول لبلسم‵، و‵كلمة بتفضل محفورة في القلب‵.ولو وصلت لآخر السيرة دي.. فـ غالبًا قلبك زي قلبي.. بيحب الحنين، وبيصدق الكلمة.
من كتب الروايات والقصص - مكتبة القصص والروايات والمجلّات.