كتاب حدوتة مصرية

الكتاب اللي بين إيديك عبارة عن مجموعة حكايات اتكتبت على مدار 3 سنين من 2020 إلى 2023، وهو توثيق لِرحلتي في كتابة القصص التَّاريخية، حاولت فيها على قدر الإمكان أنها تكون مُبسطة، وعرض القصة كما كتبها المؤرخون، لكن بأسلوب مختلف عن القصص التَّوثيقية. وزي ما لاحظت عزيزي القارئ، لغة الكتابة عامية، وهو أسلوب انتهجته في الكتابة؛ وده لأني حِكاواتية، خرجت القصص التَّاريخية من عباءة التَّوثيقيات، وقوالب علل ووضح الأسباب والنَّتائج، وغلفتها في سوليفانة الحدوتة المصرية البسيطة بطريقة أمهاتنا وجداتنا زمان في الحكي، وفي نفس الوقت مجمعة كل جوانب الحدوتة فيها. الكتاب عن قصص وحواديت وحكايات حصلت في مصر من عصور مختلفة، يعني هتلاقي حكايات من مصر القديمة وحكايات من العصر الإسلامي وحكايات من مصر الحديثة والمعاصرة، ومنها هنشوف معدن المصري وطبيعة تكوين شخصيته، وإيه اللي اختلف فيه وإيه اللي فضل ثابت، وكمان هنعرف إيه هي الحكايات اللي ورا بعض أسماء مناطق في مصر.
مروة طلعت - مروة طلعت خريجة تربية لغة إنجليزية حكاواتية وكاتبة تاريخية بأسلوب قصصي صاحبة صفحة عايمة في بحر الكتب للمقالات التاريخية وقناة عايمة في بحر الكتب علي اليوتيوب لشرح الآثار والمعالم التاريخية كتبت مقالات في جريدة الدستور وجريدة نون نيوز الإخبارية الإلكترونية وجريدة فرندة الإلكترونية صدر لي السنة الماضية 2023 كتاب أساطير حية بيحكي فيه قصص أبطال وفدائيين وعلماء منسيين وكتابي الجديد السنة دي 2024 هو كتاب حدوتة مصرية عبارة عن حكايات من تاريخ مصر من أيام مصر القديمة لحد عصرنا الحالي.❰ لها مجموعة من الإنجازات والمؤلفات أبرزها ❞ اساطير حية ❝ ❞ حدوتة مصرية ❝ الناشرين : ❞ دار ساحة الأدب للطبع والنشر والترجمة ❝ ❱
من كتب الروايات والقصص - مكتبة القصص والروايات والمجلّات.