كتاب لو ابنك المراهق سألك

هو الكتاب الثالث من سلسلة لو ابنك سألك الموجهة للآباء والمعلمين. الكتاب بيجاوب على ٩ أسئلة عن مواضيع بتحير الشباب في سن المراهقة زي: مشروعية الحب، الانتحار، المثليّة، مشاهدة الأفلام الإباحية، الإلحاد وغيرها من المواضيع اللي بتهم الشباب في السن ده وبيبقوا خايفين يسألوا عنها آبائهم ومعلميهم. إجابة كل سؤال في الكتاب مقسمة إلى: - خلفية عامة عن موضوع السؤال. - رد الفعل المناسب. - إجابة السؤال بشكل حواري بين ولي أمر/معلم وشاب/شابة. أسئلة الكتاب: 1) هو ليه ربنا ساب الناس اللي في مسجد الروضة يتقتلوا؟ مش هما كانوا بيصلوا له؟. 2) لو ربنا عارف كل حاجة وعارف أنا حعمل إيه بالظبط، خلقني ليه؟. 3) هو لو طفل انتحر حيخش النار؟ وهو المنتحر بيموت كافر؟. 4) هو الحب حرام؟. 5) هو أنا لو سألت عن ربنا والدين أبقى ملحد؟. 6) هو إحنا حنشوف ربنا يوم القيامة؟. 7) هو ليه ربنا مش بيستجيب لدعائي؟. 8) إيه ذنب واحد اتولد مثلي إن ربنا يعاقبه؟ مش ربنا اللي خلقه كدة؟. 9) هو أنا لو اتفرجت على فيلم الناس فيه لابسة مفتوح آخد ذنوب؟. المراجعة العلمية والتربوية: الكتاب متراجع علميًا وتربويًا من: 1) الشيخ محمد عوض المنقوش (عالم من علماء الأزهر الشريف). 2) الكتاب حاصل على اعتماد الأزهر الشريف. 3) الكتاب مراجع تربويًا من الأستاذة هاجر أسامة (مدربة المونتسوري والتربية الإيجابية). المرحلة العمرية: الكتاب مناسب لإجابة أسئلة الشباب في مرحلة المراهقة ابتداءً من سن ١٢+. لغة الكتاب: الأسئلة مكتوبة بالعامية المصرية والإجابات بلغة عربية فصحى مبسطة.
كراكيب - ❰ له مجموعة من الإنجازات والمؤلفات أبرزها ❞ لو ابنك المراهق سألك ❝ ❞ إمتى وإزاي نعلم الدين للأطفال (الجزء الأول) ❝ الناشرين : ❞ مكتبة كراكيب ❝ ❱
من تربية الاطفال - مكتبة كتب الأطفال قصص ومجلات.